როგორ შეიქმნა სასტუმრო „ყვარლის ტბის“ გამორჩეული სივრცე

"ოლ-პი ჯგუფმა" კიდევ ერთი გამორჩეული პროექტი განახორციელა სასტუმრო „ყვარლის ტბის“ მიმღებ სივრცეში.

„360°-იანი გახსნილობა ქმნის გარემოს, რომელიც შენობასა და ბუნებას შორის ზღვარს შლის“ -  დავით გიორგაძე, არქიტექტორი.

პროექტის მთავარი არქიტექტურული გამოწვევა ინტერიერის სივრცისა და გარე ავტოსადგომის საფარის ვიზუალური და ფუნქციური უწყვეტობა იყო. სწორედ ამ კონცეფციის გასაძლიერებლად შეირჩა ტერაცოს იატაკი, რომელიც „ოლ-პი ჯგუფმა“ ფერისა და ფაქტურის ზუსტი შერწყმით შეასრულა.

„ სასურველი შედეგის მისაღწევად არაერთი ტესტი ჩავატარეთ და საბოლოოდ მივიღეთ პროდუქტი, რომლმაც სრულად გაამართლა ჩვენი მოლოდინი“ -  აცხადებს არქიტექტორი.

შედეგად შეიქმნა ერთიანი სივრცე, სადაც იატაკი ბუნებრივად აკავშირებს შიდა და გარე გარემოს, ამავდროულად სრულ ჰარმონიაშია ინტერიერის დიზაინსა და გამოყენებულ მასალებთან.

პროექტის ფარგლებში შესრულებული სამუშაოს მოცულობამ 200 კვ.მ. შეადგინა.